Хөгжлийн хамтын ажиллагаа
2023-04-12
Монгол Улсын Засгийн газар болон Канад Улсын Засгийн газар “Монгол Канадын хамтын ажиллагааг хөгжүүлэх талаарх солилцох захидал”-д 1998 оны 2 дугаар сарын 10-ны өдөр гарын үсэг зурснаар канадын албан ёсны тусламжийн богино хугацааны жижиг хөтөлбөрийг Канадын сан, Канадын олон улсын хөгжлийн агентлаг Бээжин дэх Канадын Элчин сайдын яамны удирдлага дор хэрэгжүүлж 12,000-оос 20,000 хүртэлх канад долларын санхүүжилт олгох “Канад сангийн орон нутгийн санаачилга” хөтөлбөрийн хүрээнд[1] нийт 400 орчим төсөлд 6 сая канад долларын санхүүжилт олгосон байна.
Канадын хөгжлийн тусламжийн хөтөлбөрийг Монгол Улсад үргэлжлүүлэн хэрэгжүүлэх зорилгоор 2016 оны 9 дүгээр сарын 8-ны өдөр “Хөгжлийн тусламжийн тухай Монгол Улсын Засгийн газар Канад Улсын Засгийн газар хоорондын харилцан ойлголцлын санамж бичиг”-ийг байгуулан хамтран ажиллаж байна.
Монгол Улсад хэрэгжүүлж буй хөгжлийн тусламжийн хөтөлбөр нь охид, эмэгтэйчүүдийн эдийн засгийн бие даасан байдлыг хангах, жэндэрийн тэгш байдлыг дээшлүүлэх, шийдвэр гаргах түвшин дэх эмэгтэйчүүдийн оролцоог нэмэгдүүлэх, төрийн албаны чадавхийг сайжруулах замаар уул уурхай, ашигт малтмалын салбарт тогтвортой байдал, хариуцлагыг сайжруулах зорилготой. Зорилтын хүрээнд 2001-2021 оныг хүртэл нийт 133 орчим сая канад долларын хөгжлийн тусламжийг хоёр болон олон талт харилцааны шугамаар Монгол Улсад үзүүлсэн гэсэн тоо баримт бий[2].
Монгол Улсад хоёр болон олон талт харилцааны шугамаар үзүүлсэн хөгжлийн нийт тусламж (2001-2021)
|
Монгол Улсад хоёр болон олон талт харилцааны шугамаар үзүүлсэн хөгжлийн нийт тусламж (2001-2021)
Он |
Санхүүжилтийн хэмжээ |
Он |
Санхүүжилтийн хэмжээ |
2001 |
4,076,727 |
2012 |
5,261,755 |
2002 |
6,011,676 |
2013 |
5,937,975 |
2003 |
3,983,522 |
2014 |
3,900,211 |
2004 |
2,908,697 |
2015 |
4,389,166 |
2005 |
5,426,598 |
2016 |
7,510,237 |
2006 |
3,179,787 |
2017 |
9,230,896 |
2007 |
4,386,431 |
2018 |
11,717,863 |
2008 |
3,885,802 |
2019 |
11,527,838 |
2009 |
4,818,700 |
2020 |
8,462,727 |
2010 |
14,987,667 |
2021 |
6,452,367 |
2011 |
4,721,370 |
|
|
НИЙТ 132,778,014 |
Үүнээс хоёр талт харилцааны шугамаар 40 гаруй сая канад долларын өртөг бүхий дараах томоохон төсөл, хөтөлбөрийг манай улсад хэрэгжүүлжээ.
|
Төслийн нэр |
Зорилго |
1. |
Олборлох салбарын менежментийг бэхжүүлэх төсөл Хамтран хэрэгжүүлэгч: Agriteam Санхүүжилт:$8,400,000 Хугацаа: 2016-2020 |
Ашигт малтмалын салбарт сайн засаглалыг бэхжүүлэх зорилгоор салбарын бодлого, эрх зүйн орчныг бэхжүүлэх Засгийн газрын чадавхийг сайжруулах. |
2. |
Институцийн өөрчлөлт хийх замаар эрдэс баялгийн менежментийг сайжруулах төсөл Хамтран хэрэгжүүлэгч: Canadian Executive Service Organisation (CESO), World University Service Canada (WUSC) Санхүүжилт: $16,900,000 Хугацаа: 2016– 2022 |
- Эрдэс баялгийн салбарын голлох байгууллагуудын менежментийн чадавхийг сайжруулах, - Нутгийн иргэд, уул уурхайн компаниуд хоорондын хамтын ажиллагааны институцийг бий болгох, - Төрийн албан хаагчдийн эрдэс баялгийн салбарын чадавхийг бэхжүүлэх
|
3. |
Төрийн албаны ил тод байдал, оролцоог бэхжүүлэх төсөл Хамтран хэрэгжүүлэгч: The Asia Foundation (TAF) Санхүүжилт: $2,836,274 Хугацаа: 2016-2019 |
Үндэсний болон орон нутгийн төрийн гол байгууллагуудын үйл ажиллагааг төрийн алба, нөөцийн менежментийг сайжруулах замаар илүү үр дүнтэй, хариуцлагатай, ил тод болгох зорилготой. Энэ хүрээнд сайн засаглалыг бэхжүүлэх, авилгын эсрэг үйл ажиллагааг идэвхжүүлэх чиглэлээр дэмжлэг үзүүлж ажиллах. |
4. |
Мэргэшсэн, иргэн төвтэй төрийн албыг бэхжүүлэх төсөл
Хамтран хэрэгжүүлэгч: UNDP Санхүүжилт: $7,000,000 Хугацаа: 2017– 2022
|
Төрийн албаны мэргэшсэн байдлыг хангах хүрээнд төрийн захиргааны албан тушаалтнуудын сургалтын хөтөлбөр, төрийн албаны шалгалтын шинэтгэл, хүний нөөцийн менежментийг сайжруулах, чиглэлээр ажилладаг. Жэндэрийн мэдрэмжтэй байх зарчмын хүрээнд дор дурдсан зорилтыг хэрэгжүүлнэ. Үүнд: - Mэргэшсэн төрийн албыг бэхжүүлэх бодлого, эрх зүйн орчныг сайжруулах; - Мэргэшсэн төрийн албан хаагчийг бэлтгэхэд дэмжлэг үзүүлэх; - Төрийн захиргааны жэндэрийн тэнцвэртэй байдлыг сайжруулах; - Төрийн албаны гүйцэтгэлд иргэн төвтэй хяналтыг тогтоох. |
5. |
Жендэрт суурилсан хүчирхийлэлтэй тэмцэх үйл ажиллагааг бэхжүүлэх төсөл
Хамтран хэрэгжүүлэгч: International Development Law Organization (IDLO) Санхүүжилт: $3,200,000 Хугацаа: 2019– 2022 |
Хүүхэд, эмэгтэйчүүдийг гэр бүлийн хүчирхийлэлд өртөхөөс урьдчилан сэргийлэх, жэндэрт суурилсан хүчирхийлэлд өртсөн хохирогчдын шударга шүүхээр шүүлгэх эрхийг эдлүүлэх, энэ төрлийн хүчирхийллийн эсрэг идэвхитэй үйл ажиллагаа явуулах.
|
6. |
Эмэгтэйчүүдийн эдийн засгийн чадавхийг сайжруулах төсөл
Хамтран хэрэгжүүлэгч: The Asia Foundation (TAF) Санхүүжилт: $3,200,000 Хугацаа: 2020-2024 |
Жэндэрийн тэгш байдлыг хангах чиглэлээр үйл ажиллагаа явуулж буй байгууллагууд болон эмэгтэй интерпренерүүдэд шууд дэмжлэг үзүүлэх зорилготой.
|
[1] https://www.international.gc.ca/world-monde/funding-financement/cfli-fcil/2022/mongolia-mongolie.aspx?lang=eng
[2] https://public.tableau.com/views/Aid2016StatData2000-2015_15593513720200/Details?%3Aembed=y&%3AshowVizHome=no&%3Ahost_url=https%3A%2F%2Fpublic.tableau.com%2F&%3Aembed_code_version=3&%3Atabs=yes&%3Atoolbar=yes&%3Aanimate_transition=yes&%3Adisplay_static_image=no&%3Adisplay_spinner=no&%3Adisplay_overlay=yes&%3Adisplay_count=yes&publish=yes&%3AloadOrderID=0