САР ШИНИЙН МЭНД ХҮРГЭЕ!

Канад Улсад амьдарч буй нийт монголчууддаа болон Монголд элэгтэй канад анд нөхдүүддээ сар шинийн мэнд дэвшүүлье!

Элчин сайдын яам
MORE

КОНСУЛЫН ҮЙЛЧИЛГЭЭНИЙ ХУРААМЖИЙГ INTERAC E-TRANSFER АШИГЛАН ШИЛЖҮҮЛЭХ БОЛОМЖТОЙ

Монгол Улсаас Канад Улсад суугаа Элчин сайдын яамнаас үзүүлж буй Консулын үйлчилгээний хураамжийг INTERAC E-transfer ашиглан ЭСЯ-ны OTTAWA@MFA.GOV.MN цахим хаягт шилжүүлэх боломжтой. Овог нэр болон утасны дугаараа "message" хэсэгт оруулна уу.
MORE

МОНГОЛ, КАНАДЫН ХООРОНД ДИПЛОМАТ ХАРИЛЦАА ТОГТООСНЫ 45 ЖИЛИЙН ОЙН НЭЭЛТ БОЛОВ

2018 онд тохиож буй Монгол Улс, Канад Улсын хооронд дипломат харилцаа тогтоосны 45 жилийн ойн нээлтийн арга хэмжээ болгон Гадаад харилцааны сайд Д.Цогтбаатар 2018 оны 2 дугаар сарын 1-ний өдөр ГХЯ дээр хүлээн авалт зохион байгуулав.

Монгол Улсын хувьд Канад нь Хойд Америк дахь чухал түнш, гуравдагч хөрш бөгөөд томоохон хөрөнгө оруулагч, манай хоёр улсын хооронд улс төр, батлан хамгаалах, эдийн засгийн хамтын ажиллагаа идэвхтэй хөгжиж өдгөө өргөн хүрээнтэй түншлэлийн түвшинд хүрсэн зэргийг арга хэмжээний нээлтийн үгэндээ сайд Д.Цогтбаатар онцолсон болно.

45 жилийн ойг тэмдэглэн өнгөрүүлэх ажлын хүрээнд 2018 онд дээд, өндөр түвшний харилцан айлчлалыг хэрэгжүүлэх, Монгол, Канадын харилцааны түүхэн хөгжлийг харуулсан зургийн үзэсгэлэн гаргах, харилцаа, хамтын ажиллагааны тухай ТВ нэвтрүүлэг хийж олон нийтэд хүргэх зэрэг улс төр, соёл, урлагийн арга хэмжээг жилийн турш зохион байгуулахаар төлөвлөж байгаа болно.
MORE

ДИПЛОМАТ ТӨЛӨӨЛӨГЧИЙН ГАЗРУУД ГАДААД ПАСПОРТЫН ХҮЧИНТЭЙ ХУГАЦААГ СУНГАХГҮЙ

Засгийн газрын 2017 оны 94 дүгээр тогтоолын хэрэгжилтийг хангах зорилгоор хилийн чанадад суугаа дипломат төлөөлөгчийн газрууд 2018 оны 1 дүгээр сарын 3-ны өдрөөс эхлэн энгийн гадаад паспортын хүчинтэй хугацаанд сунгалт хийхийг зогсоосныг үүгээр мэдэгдэж байна. Гадаад паспортад сунгалт хийхгүй болсон нь олон улсын хэмжээнд мөрдөгдөж буй стандартыг бүрэн хангах, монгол иргэдийн гадаадад зорчих эрхийг баталгаажуулж, гадаад улсын хилээр нэвтрэхэд тулгарч буй хүндрэлийг арилгах зорилгоор хийгдэж буй ажил юм. ГАДААД ХАРИЛЦААНЫ ЯАМНЫ КОНСУЛЫН ГАЗАР
MORE

ШИНЭ ЖИЛИЙН МЭНД ДЭВШҮҮЛЬЕ

Канад Улсад оршин суугаа элэг нэгт бүх монголчууддаа шинэ оны баярын мэнд хүргэж 2018 онд аз жаргал, амжилт бүтээлээр дүүрэн байхын ерөөл дэвшүүлье!

Элчин сайдын яам
MORE